Crónica de dúas noites

Foto: Carlos Campos

No blog de "O Prado" dan conta das dúas noites de música no mosteiro de San Paio. Un lugar que renace na Ribeira Sacra como espacio cultural.

Pepita

Foto: Carlos Campos


Imaxinei que alí estabas, entre as irmáns,
perto da escada que vai a ningures,
emocionada pola fermosa voz de Uxía.
Mirabas, como sempre, cun sorriso e dábasme a túa enerxía.

Un amigo de caldelas no peirao de Luarca

Iste amigo de caldelas non pudo estar en dúas noites. Traballos do último minuto impediron días de lecer na Ribeira Sacra. Cara a noitiña, cando a voz de Fred e Uxía se xunguía ca chuvía de estrelas Xaime e Beatriz cavaban na horta para purga-la pena de non ter vido. Onte atopamos a Xaime no peirado de Luarca e Antón e Mariña decidiron tirarlle das orellas.

Fred Martins onte

As estrelas a cruzar o ceo e Fred Martins, acompañado por unha banda de músicos extraordinarios: o brasileiro Sergio Tannus, e mais os galegos Álvaro Iglesias e Isaac Palacín.  

O mosteiro  iluminado nunha máxica noite de verán.  Hoxe, Uxía, e con ela Sergio Salles, Paolo, e novamente Sergio Tannus. E unha sorpresa inesperada, a colaboración especial de Fred Martins. 

Foto: Carlos Campos

Dúas noites en Vieiros

Onte Vieiros fixose eco de dúas noites de música.

Samba galega, onte en Santiago

O mércores, Fred Martins en "dúas noites".

Fred Martins tocará o mércores en dúas noites cancións do seu último disco Guanabara. 

A luz entra no mosteiro de Montederramo

Unha moza nova foi a nosa guía polo mosteiro de Montederramo nunha visita relámpao, case imprevista. Na entrada da Igrexa de Santa María, explicounos aos visitantes que o pobo quedábase no primeiro espazo, sen cruzar as portas, e de aí ven a expresión de “oír misa”. Logo ven o espazo que habitaban os monxes, primeiro benedictiños e logo cistercienses. Eles si que vían e oían a misa. Nesta tardiña de verán, o sol entra polas fiestras, polos buratos das enormes naves deste mosteiro, xoga ca escuridade e sinala onde descansar, antes de ver o retrablo maior, restaurado, o impresionante coro e os seus fermosos claustros. Cada día hai visitas e dende hai pouco un audiovisual fala da historia desta xoia da Ribeira Sacra.

Só, o novo espectáculo de Carlos Blanco

Carlos Blanco presentou onte en Lugo o seu novo espectáculo "só", sobre o Camiño de Santiago, ante oitocentas persoas. Jazz, humor, música e risas a escachar, como sempre.

Florencio de Arboiro, as formas da loucura

Florencio de Arboiro inaugurou onte unha nova mostra sobre a loucura no Parador Nacional instalado no mosteiro de San Estevo e xa está na rúa unha nova edición de o "Naceiro", o xornal informátivo da asociación cultural "Ben-Cho-Shey, adicada ao mundo do afiador.

San Paio, outro punto de vista

Foto do Mosteiro de San Paio a carón de Santa Tegra, que maña estará en festas.

Unha fonte moi erótica

Fonte do arquitecto Álvaro Siza para o parque de Bonaval, en Santiago de Compostela. Un recanto, case segredo, detrás do Museo de Arte Comtemporaneo de Santiago, e do Museo do Pobo galego.

Faltan 8 noites

Faltan oito noites para que Fred Martins lle poña música ao mosteiro de san paio.

A fermosa voz da Uxía estará en san paio

Unha bela cantiga de Luís de Camoes, interpretada no seu día polo Zeca e eiquí pola Uxía.

"Verdes Sao Os Campos"

Faltan 9 noites para Frend Martins

Fred Martins, día 12 de agosto, ás 22,30h.
Uxía, día 13 de agosto, ás 22,30h.

Dani poñendo todo a punto.

Osorio Castro, dous anos colaborando

Fred Martins / día 12 de agosto, ás 22,30
Uxía / 13 de agosto, ás 22,30

Federico Mompou en Caldelas

“Un compositor catalán, Mompou, estaba no 1960 en Castro Caldelas e ouviu os carros que ían e viñan na tardiña polos camiños aqueles da beira do Sil, tan alzados, e compuxo Carros de Galicia, unha peza breve, fermosísima. “ Basilio Losada, nunha entrevista a Vieiros no 2002.

Na páxina da Fundación Albéniz fálase desta visita con Carmen Bravo Roy a Vicente Risco. Tamén na páxina da Fundación Juan March Antonio Iglesias Álvarez escribe sobre "Paisajes" a obra na que se incluie esta composición de Mompou.

Faltan 12 noites

Faltan 12 noites para que se ilumine de novo o mosteiro.

A vila vai para adiante

Nunca hai mal que por ben non veña. Os cartos do Plan España -recursos que o goberno de Zapatero adica a remontar a crisis planetaria- serviron para que o concello do Castro pudera por fin acometer o proxecto de ordenación da praza do Prado. Un proxecto tan desexado e reivindicado tanto desde este blog como desde o blog da Asociación de Amigos de Caldelas, O Prado.



Coas obras que fixo o Concello, o pobo gañou un espazo sen coches nin perigos para estar, un lugar de encontro nun espazo ordeado e de calidade. E os negocios gañan moito, tamén unhas terrazas fantásticas, onde será moito mais agradable atoparse. Con este paso adiante o Castro sitúase na liña dos concellos progresistas que loitan por un uso diferente dos espacios públicos. Parabéns.

Difusión de "dúas noites"

Agora esperemos que funcione o boca-orella e poidamos pasar unhas noites para lembrar.